Մրցախաղ
Սույն թվականի նոյեմբերի 28-ին ՀՀ ոստիկանության կրթահամալիրի ակադեմիայի ՕՀԳ և քրեագիտության ամբիոնի կրիմինալիստիկական լաբորատորիայում անցկացվեց կրթահամալիրի ակադեմիայի օպերատիվ-հետախուզական գործունեության և քրեագիտության ու քրեական դատավարության ամբիոններին կից գիտական խմբակի 2019-2020 ուսումնական տարվա երրորդ նիստը՝ «Քննության պլանի կազմումը դեպքի վայրի զննության արդյունքներով» խորագրով մրցախաղ, որն անցկացվեց կրթահամալիրի ակադեմիայի իրավագիտության ֆակուլտետի բակալավրիատի առկա և հեռակա ուսուցման 4-րդ կուրսերի սովորողների միջև:
Գիտական խմբակի նիստին մասնակցում էին ՀՀ ոստիկանության կրթահամալիրի ակադեմիայի ՕՀԳ և քրեագիտության ամբիոնի դասախոսական կազմը, գիտական խմբակի անդամները, կրթահամալիրի գիտական բաժնի ներկայացուցիչը:
Մրցախաղի համար ելակետային տվյալները մշակվել և մրցակցին են ներկայացվել սովորողների ուժերով: Մրցախաղի ընթացքում վերլուծվեցին սպանության և բնակարանային գողության խնդիրներ: Մասնակիցները մեծ ակտիվությամբ ձեռնամուխ եղան իրենց հանձնարարականների կատարմանը, ցուցաբերեցին ինքնուրույն աշխատելու ունակություններ: Սովորողները կարողացան հաջողությամբ իրացնել ձեռք բերած տեսական գիտելիքները:
Վերջում խմբերից յուրաքանչյուրը կազմեց քննության պլան, որի արդյունքներն ամփոփվեցին ձևավորված հանձնաժողովի կողմից:
