CEPOL

Ի՞նչ է ԵՄ իրավապահ համակարգի վերապատրաստման մարմինը (CEPOL)

ԵՄ իրավապահ համակարգի վերապատրաստման մարմինը (CEPOL) Եվրոպական Միության կառույց է՝ նվիրված իրավապահ ծառայողների զարգացմանը, վերապատրաստման կազմակերպմանն ու իրականացմանը: 

2016թ. հուլիսի 1-ից սկսած (իրավական մանդատի ամսաթիվը) ԵՄ իրավապահ համակարգի վերապատրաստման մարմնի պաշտոնական անունը «Իրավապահ մարմինների վերապատրաստման ԵՄ կառույց» է:

Ի՞նչ է անում ԵՄ իրավապահ համակարգի վերապատրաստման մարմինը

ԵՄ իրավապահ համակարգի վերապատրաստման մարմինը համախմբում է իրավապահ ծառայողների վերապատրաստման հաստատություններն ու աջակցում դրանց՝ տրամադրելու կարևոր վերապատրաստում անվտանգության առաջնահերթությունների, իրավապահ համագործակցության և տեղեկատվական փոխանակման վերաբերյալ: ԵՄ իրավապահ համակարգի վերապատրաստման մարմինն աշխատում է նաև ԵՄ մարմինների, միջազգային կազմակերպությունների և երրորդ երկրների հետ՝ ցույց տալու, որ ամենալուրջ անվտանգության մարտահրավերները լուծվում են համախմբված արձագանքով:

CEPOL-ն անընդհատ ձգտում է առաջարկել նորարար և առաջադեմ վերապատրաստման միջոցառումներ՝ ամբողջացնելով համապատասխան  կատարելագործումը գիտելիքների, հետազոտության և տեխնոլոգիաների մեջ, ինչպես նաև ստեղծելով ամուր համագործակցություն սիներգիայի միջոցով:

ԵՄ իրավապահ համակարգի վերապատրաստման մարմնի այժմյա պորտֆոլիոն ընդգրկում են տեղական միջոցառումները, առցանց ուսուցումը (օրինակ, վեբինարներ, առցանց մոդուլներ, առցանց դասընթացներ և այլն ), փոխանակման ծրագրեր, ընդհանուր ուսումնական ծրագրեր, հետազոտություն և գիտություն:

ԵՄ իրավապահ համակարգի վերապատրաստման մարմնի հետ ուսումնառություն անցնելու մի քանի պատճառ.

1. Տեղեկություն  իրավապահ մարմինների ոլորտում վերջին զարգացումների և միտումների մասին,
2. Փորձագետներից ուսուցանում,
3. Հանդիպում իրավապահ համակարգի մասնագետներին,
4. Լավագույն փորձի փոխանակում,
5. Լեզվական հմտությունների գործառնություն,
6. CEPOL-ի առցանց համայնքին միացում՝  ուսուցման փորձը երկարաձգելու նպատակով:

Մեր փորձառությունը:

CEPOL-ը տրամադրում է վերապատրաստում և կրթություն այն միջոցառումների վերաբերյալ, որոնք էական են միջսահմանային հանցագործությունների դեմ պայքարում:

• Ահաբեկչության դեմ պայքարը,
• Հանցավորության կանխարգելումը,
• Տնտեսական հանցագործությունը,
• ԵՄ համագործակցությունը,
• ԵՄ քաղաքականության շրջանակը,
• Մարդու իրավունքները,
• Իրավապահ մարմինների տեխնիկաները,
• Ուսուցումն ու վերապատրաստումը,
• Կառավարումը,
• Այլ բնույթի կազմակերպված հանցավորությունը,
• Հետազոտությունն ու գիտությունը:

CEPOL-ի  փոխանակման ծրագրի ազգային համագարգող,  CEPOL-ի ազգային մարմնի ներկայացուցիչն է հանդիսանում ՀՀ ոստիկանության կրթահամալիրի ուսումնամեթոդական և զարգացման վարչության միջազգային համագործակցության և տեղեկատվական տեխնոլոգիաների ներդրման բաժնի պետի տեղակալ, ոստիկանության փոխգնդապետ Կարինե Սաֆարյանը։ CEPOL-ի LEED հարթակի ազգային համակարգողն է ՀՀ ոստիկանության կրթահամալիրի ուսումնամեթոդական և զարգացման վարչության միջազգային համագործակցության և տեղեկատվական տեխնոլոգիաների ներդրման բաժնի պետ, ոստիկանության փոխգնդապետ Գրիգորի Դավթյանը։

Հարթակում կարող եք գրանցվել այս հղումով։

Հարցերի դեպքում՝ դիմել ՀՀ ոստիկանության կրթահամալիրի միջազգային համագործակցության և ՏՏ ներդրման բաժին: