Ապրիլի 18-ին ՀՀ ոստիկանության կրթահամալիրի ակադեմիայի իրավագիտության ֆակուլտետի բակալավրիատի առկա անվճար ուսուցման 3-րդ կուրսի 1-ին դասակի սովորողների հետ «Կրիմինալիստիկա» առարկայից գործնական պարապ­մունքը, ՀՀ ոստիկանության կրթա­համալիրի ակա­դե­մի­այի ՕՀԳ և քրեագիտության ամ­բիո­նի դոցենտ, ոս­տի­­կանության գնդապետ Բ. Ալեքսանյանի ղեկավարությամբ, անց­կաց­վե­ց ՀՀ ոստիկանության փորձաքրեագիտական վարչությունում:

Գործնական պարապմունքի ընթացքում սովորողները հնարավորություն ունեցան ծանոթանալու մատնադրոշմային հաշվառման քարտադարանում տեղեկությունների գրանց­ման մեխա­նիզ­մին, անմիջականորեն հետևելու իրականացվող մատնադրոշմային փորձաքննության ընթացքին:

Դատաձգաբանական հետազոտությունների բաժնում սովորողների ներկայութ­յամբ փորձագետի կողմից իրականացվեց գնդակների և պարկուճների փորձարարական նմուշներ ստանալու գործընթացը, բացատրվեց դրանք հետազոտման ենթակա օբյեկտ­ների հետ նույնացնելու կարգը: Ծանոթացան  գնդակապարկուճային հաշվառմանը:

Փաստաթղթերի տեխնիկա-կրիմինալիստական հետազոտությունների բաժնում հետևեցին կեղծ դրամանիշների հետազոտման գործընթացին և ծանոթացան կեղծման տարածված եղանակներին:

Այցը հատուկ հետազոտությունների բաժին սովորողներին հնարավորություն տվեց ծանոթանալ տարատեսակ օբյեկտների, այդ թվում՝ թմրանյութ պարունակողների հե­տա­զոտման մեթոդիկային, բաժնի կողմից իրականացվող հետազոտությունների տեսակ­նե­րին և դրանցով լուծվող հարցերին:

Սովորողները եղան նաև հետքաբանական հետազոտությունների բաժնում և ծա­նո­թացան բաժնում իրականացվող փորձաքննություններին:

Փորձաքրեագիտական վարչություն այցի ընթացքում սովորողները հնարա­վորութ­յուն ստացան դրսևորել իրենց գիտելիքներն ու հմ­­­տու­թյուն­ները, որոնք ձեռք են բերել «Կրիմինալիստիկա» դասընթացի ուսումնասիրման շրջանակներում: