ՀՀ ոստիկանության պարեկային ծառայությունում պաշտոնի նշանակվելու նպատակով ուսուցման երկրորդ հոսքի ընդունելության շրջանակներում ՀՀ ոստիկանության կրթահամալիրում սեպտեմբերի 22-ին մեկնարկեց առաջին՝ մասնագիտական պիտանելիության համապատասխանության համալիր ստուգումը (թեստավորումը)։

Ընդունելության ստուգմանը ներկա էին ընդունող հանձնաժողովի նախագահ, ՀՀ ոստիկանության պետի տեղակալ, ոստիկանության գնդապետ Ա․ Ֆիդանյանը, ընդունող հանձնաժողովի նախագահի տեղակալ, ՀՀ ոստիկանության կրթահամալիրի պետի պարտականությունների ժամանակավոր կատարող, ոստիկանության փոխգնդապետ Մ․ Մարկոսյանը, ընդունող հանձնաժողովի անդամներ ՀՀ արդարադատության նախարարի առաջին տեղակալ Քրիստիննե Գրիգորյանը, ՀՀ արդարադատության նախարարության միջազգային իրավական համագործակցության համակարգող խորհրդական Ամալյա Հովսեփյանը, «Իրազեկ քաղաքացիների միավորում» ՀԿ  ծրագրերի համակարգող Դանիել Իոաննիսյանը, ինչպես նաև ՀՀ արդարադատության նախարարի օգնական Սերժ Ռուշանյանը:

Ստուգումը կիրականացվի սեպտեմբերի 22-ից 28-ը ներառյալ, որին մասնակցելու են 1102 դիմորդ, որոնցից 476 քաղաքացիական անձ և 626 ոստիկանության ծառայող։

Ստուգման արդյունքներն ամփոփվելուց հետո դրանք հասանելի կլինեն հետևյալ հղումով՝ https://www.edupolice.am/patrol/exam.html :

ՀՀ ոստիկանության պարեկային ծառայությունում պաշտոնի նշանակվելու նպատակով ուսուցման երկրորդ հոսքի ուսուցումը հաջողությամբ ավարտած սովորողները կնշանակվեն ՀՀ ոստիկանության պարեկային ծառայության Լոռու և Շիրակի մարզերում, ինչպես նաև Երևան քաղաքում։

Դիմորդներին մաղթում ենք հաջողություն և անկոտրում կամք։