Մայիսի 20-ին ՆԳՆ կրթահամալիրի ուսանողական խորհրդի նախագահ Գայանե Բաբաջանյանը և Եվրոպական համալսարանի ուսանողական խորհրդի նախագահ Վարանդ Զոհրաբյանն ստորագրել են համագործակցության հուշագիր՝ նպատակ ունենալով ամրապնդել ուսանողական ինքնակառավարման համակարգերը և խթանել երիտասարդների ակտիվ մասնակցությունը կրթական ու հասարակական կյանքում:

   Գ․ Բաբաջանյանը բացման խոսքում նշել է, որ Եվրոպական համալսարանը առաջինն է, որի հետ նման ձևաչափով հանդիպում է կայանում Կրթահամալիրում։ Մաղթելով արդյունավետ ու երկարատև համագործակցություն՝ ընդգծել է, որ նման նախաձեռնությունները կարևոր են ուսանողների զարգացման և միջհամալսարանական կապերի ամրապնդման համար: 

   Եվրոպական համալսարանի ուսանողական խորհրդի նախագահ Վարանդ Զոհրաբյանը նույնպես ողջունել է ներկաներին, նշել, որ պատրաստ են շարունակել համագործակցությունը՝ նպաստելով ուսանողների մասնագիտական և անձնական աճին:

   Համագործակցությունը նախատեսում է համատեղ միջոցառումների կազմակերպում, ինչպես նաև ուսանողների միջև փորձի փոխանակում: Հուշագրի ստորագրումը կարևոր քայլ է ուսանողական կյանքի զարգացման և երիտասարդների ներգրավվածության բարձրացման ուղղությամբ: 

   Կողմերը հույս են հայտնել, որ այս համագործակցությունը կբերի նոր հնարավորություններ ինչպես ուսանողների, այնպես էլ երկու կառույցների համար: