Նոյեմբերի 9-ին ՀՀ ոստիկանության կրթահամալիրում էին Երևան քաղաքի Ջոն Կիրակոսյանի անվան թիվ 20 հիմնական դպրոցի 6-ից 9-րդ դասարանի աշակերտները՝ դպրոցի տնօրենի տեղակալ Արմինե Բաբայանի, նախնական զինվորական պատրաստականության ուսուցիչ Արայիկ Ոսկանյանի և  Կենտրոն վարչական շրջանի ոստիկանության վետերանների խորհրդի նախագահ Գագիկ Վարդանյանի ուղեկցությամբ: ՀՀ ոստիկանության Կրթահամալիրի` ՀՀ ոստիկանության պատմության թանգարանի առաջատար մասնագետ, ոստիկանության պաշտոնաթող գնդապետ Դ․ Հովսեփյանի ուղեկցությամբ աշակերտները ծանոթացան Կրթահամալիրի մշակույթի կենտրոնին, հետևեցին պարեկների, ինչպես նաև հրաձգարանում ոստիկանների կողմից իրականացվող գործնական պարապմունքներին: Աշակերտները ծաղիկներ խոնարհեցին Արցախյան հերոսամարտում և ծառայողական պարտականությունների կատարման ժամանակ զոհված ոստիկանների հուշակոթողին: Այնուհետև եղան թանգարանում, որտեղ Դ.Հովսեփյանը մանրակրկիտ բացատրեց և ներկայացրեց Հայաստանի ոստիկանության անցած ուղին՝ մեր թվարկության 367 թ.սկսած` մինչև մեր օրերը:

         Վերջում աշակերտները լավագույն տպավորություններով հրաժեշտ տվեցին Կրթահամալիրին, ինչի մասին գրանցեցին «Պատվավոր հյուրերի գրքում»: