ՀՀ ոստիկանության պարեկային ծառայությունում պաշտոնի նշանակվելու նպատակով ուսուցման երրորդ հոսքի ընդունելության շրջանակներում ՀՀ ոստիկանության կրթահամալիրում հունիսի 6-ին մեկնարկեց առաջին՝ մասնագիտական պիտանելիության համապատասխանության համալիր ստուգումը (թեստավորումը)։

Ընդունելության ստուգմանը ներկա էր ընդունող հանձնաժողովի նախագահի տեղակալ, Կրթահամալիրի պետ, ոստիկանության գնդապետ Մ․Մուրադյանը, ինչպես նաև ընդունող հանձնաժողովի անդամները:

Ընդունելության ստուգումները  կիրականացվեն հունիսի 6-ից մինչև հուլիսի 15-ը ներառյալ:   

Յուրաքանչյուր ստուգումից հետո արդյունքները հասանելի կլինեն  հետևյալ հղումով՝ https://www.edupolice.am/patrol/exam.html

Ստուգումները հաջողությամբ հաղթահարած դիմորդները կանցնեն ՀՀ ոստիկանության կրթահամալիրում 5-ամսյա ուսումնառության։

Մաղթում ենք հաջողություն։