Մարտի 30-ին տեղի ունեցավ ՀՀ ՆԳՆ ոստիկանության կրթահամալիրի գիտական խորհրդի 2023 թվականի 5-րդ նիստը: Օրակարգի հարցերի քննարկման արդյունքում գիտական խորհուրդը որոշեց հաստատել «Ոստիկանական Գործ» մասնագիտության «Պարեկ» որակավորման նախնական մասնագիտական կրթական ծրագրով ուսուցման և դրան համապատասխան լրացուցիչ կրթական ծրագրով վերապատրաստման ընթացքում ստուգարքների և դիֆերենցված ստուգարքների անցկացման կարգը և Նախնական  մասնագիտական /արհեստագործական/  կրթության «Ոստիկանական  գործ» մասնագիտության  «Պարեկ»  որակավորման հիմնական  կրթական  ծրագրի ուսումնական պլանը:

Գիտական խորհրդին ներկայացվեց ՀՀ ՆԳՆ ոստիկանության կրթահամալիրի ռազմավարական պլանի (2022-2026թթ.) գործողությունների կատարման ժամանակացույցից բխող 2022 թվականի ընթացքում պատասխանատու ստորաբաժանումների կատարած աշխատանքների վերաբերյալ հաշվետվությունը, որն  ընդունվեց ի գիտություն:

Քննարկման արդյունքում գիտական խորհուրդը որոշեց չմիջնորդել ՀՀ ՆԳՆ ոստիկանության պետին ՀՀ ոստիկանության կրթահամալիրի նախկին սովորող Գոռ Սամվելի Հովհաննիսյանին 2022-2023 ուստարվա 2-րդ կիսամյակում ՀՀ ոստիկանության կրթահամալիրի ակադեմիայի հեռակա ուսուցման ֆակուլտետի 4-րդ կուրսի 2-րդ կիսամյակում վերականգնելու համար:

 Գիտական խորհրդի նիստն ամփոփվեց ՀՀ ՆԳՆ ոստիկանության կրթահամալիրի ակադեմիայի օպերատիվ-հետախուզական գործունեության և քրեագիտության ամբիոնի պայմանագրային հիմունքներով  դասախոս Ա․ Ասլանյանի  «Փորձագետի եզրակացության, կարծիքի և ցուցմունքի գնահատման դատավարական առանձնահատկությունները: Փորձագիտական սխալները և դրանց պատճառները» մենագրությունը տպագրության երաշխավորելու վերաբերյալ հարցի քննարկումով, և որոշվեց  մենագրությունը ներկայացնել տպագրության: