Հայաստանի Հանրապետության ներքին գործերի նախարարի հրամանով հաստատված ժամանակացույցի համաձայն՝ սույն թվականի հունիսի 9-ին մեկնարկել էին ՀՀ ՆԳՆ ոստիկանության պարեկային ծառայողների վերապատրաստման in service դասընթացները, որոնք ընդգրկելու են ինչպես Երևան քաղաքի և պարեկային ծառայության վարչակազմի, այնպես էլ բոլոր մարզերի ստորաբաժանումները և իրականացվելու են մինչև հոկտեմբերի 25-ը:

   Պարեկային ծառայության մարզային ստորաբաժանումների ծառայության արդյունավետ կազմակերպման նկատառումներից ելնելով՝ այդ ստորաբաժանումների ծառայողների վերապատրաստումներն անցկացվում են մարզերում: Հուլիսի 21-24-ը Լոռու մարզում անցկացվել են պարեկային ծառայության Լոռու և Շիրակի մարզերի ստորաբաժանումների ծառայողների վերապատրաստման դասընթացները: