Օրերս ՀՀ ՆԳՆ կրթահամալիր էին այցելել Արմավիրի մարզի Փարաքարի միջնակարգ դպրոցի 9 «Գ» դասարանի աշակերտները՝ դասղեկ Ա.Մարգարյանի ուղեկցությամբ:

   Աշակերտները շրջել են Կրթահամալիրի տարածքում, ծաղիկներ խոնարհել Արցախյան հերոսամարտում և ծառայողական պարտականությունները կատարելիս զոհված ՆԳՆ աշխատակիցների հուշակոթողին, այցելել Կրթահամալիրի մշակույթի տուն և ոստիկանության պատմության թանգարան։ Թանգարանի աշխատակից Դ. Հովսեփյանը ցուցադրել է Հայաստանի ՆԳՆ աշխատակիցների անցած փառավոր ուղին և հանցագործության դեմ պայքարում ու օրինակելի հասարակական կարգ ապահովելու ուղղությամբ այսօր էլ իրականացվող աշխատանքները:    

   Դպրոցականները մեծ հետաքրքրությամբ ու ուշադրությամբ լսել և մասնակցել են մի շարք պատմական դրվագների ներկայացմանը, այնուհետև իրենց տպավորություններն են գրանցել պատվավոր հյուրերի գրքում: