Սույն թվականի դեկտեմբերի 10-ին ՀՀ ՆԳՆ ոստիկանության օպերատիվ կառավարման կենտրոնում անցկացվեց վերապատրաստման դասընթաց՝ օպերատիվ կառավարման կենտրոնի ղեկավար կազմի համար: Դասընթացը նվիրված էր ոստիկանական գործողություններ իրականացնելիս անձնական տվյալների պաշտպանության թեմային, և դրա իրականացումը բխում էր ՀՀ ՆԳՆ ոստիկանության 2024-2026 թվականների բարեփոխումների ռազմավարության իրականացման ծրագրից:

   Դասընթացի շրջանակներում օպերատիվ կառավարման կենտրոնի ղեկավար կազմին ներկայացվեց անձնական տվյալների հասկացությունը, զգայունությունը, տվյալների պաշտպանության իրավունքի կարևորությունը, ինչպես նաև անձնական տվյալների մշակման ներպետական ընդհանուր կարգավորումները: