Սեպտեմբերի 11-ին կրթահամալիրի պետ, ոստիկանության գեներալ-մայոր Մ.Բաբայանի գլխավորությամբ տեղի ունեցավ հանդիպում ՀՀ ոստիկանության կրթահամալիրի ղեկավար կազմի և մագիստրատուրայի առկա անվճար ուսուցման առաջին և երկրորդ կուրսերի սովորողների միջև:

Շնորհավորելով նոր ուսումնական տարվա կապակցությամբ՝ կրթահամալիրի պետ, ոստիկանության   գեներալ-մայոր  Մ. Բաբայանն առաջին կուրսեցիներին մաղթեց հաջողություններ ուսման մեջ, իսկ երկրորդ կուրսի սովորողներին հորդորեց պահպանել այն բարձր առաջադիմությունը, որն ունեցել են նախորդ ուսումնական տարվա ընթացքում:

Մ.Բաբայանն անդրադարձավ մի շարք խնդիրներին, ընդհանուր կարգապահությանը, համազգեստի կրման ու էթիկայի կանոնների պահպանմանը, ինչպես կրթահամալիրի տարածքում, այնպես էլ կրթահամալիրից դուրս։    

Հանդիպման ընթացքում կրթահամալիրի պետը նշեց, որ ուսումնական գործըն­թացի բարելավման ուղղությամբ տարվող աշխատանքներում կարևորում է հատկապես մագիստրանտների կարծիքը, քանի որ վերջիններս աշխատանքային փորձ ունեն և կարող են իրենց առաջարկություններով նպաստել ուսումնական գործընթացում ուսուցման նոր մեթոդների ներդրմանը: