2019թ. օգոստոսի 02-ին տեղի ունեցավ կրթահամալիրի ակադեմիայի իրավագիտության ֆակուլտետի բակալավրիատի առկա վճարովի ուսուցման 2019-2020 ուսումնական տարվա դիմորդների և նրանց ծնողների հետ ընդունող հանձնաժողովի հանդիպումը: Հանձնաժողովի նախագահ, ՀՀ ոստիկանության կրթահամալիրի պետ, ոստիկանության գեներալ-մայոր Մ. Բաբայանը  դիմորդներին ներկայացրեց հանձնաժողովի անդամներին և ծանոթացրեց ընդունելության քննությունների կարգին ու պայմաններին:

Մ. Բաբայանը միաժամանակ հայտնեց, որ այս տարի  ՀՀ ոստիկանության կրթահամալիրի վճարովի ուսուցմամբ սովորելու ցանկություն են հայտնել 67 դիմորդ՝  նախորդ տարվա 46-ի փոխարեն: Այսինքն, նախորդ տարվա համեմատ շուրջ 46 տոկոսով (21 անձ) աճել է կրթահամալիրի վճարովի ուսուցման դիմորդների քանակը, ինչը վկայում է անցած մեկ տարվա ընթացքում մի կողմից` ՀՀ ոստիկանության հեղինակության աճի դրական դինամիկայի, և մյուս կողմից`  կրթության որակի բարձրացման ճանապարհով դրա պահանջարկի ավելացման ուղղությամբ կրթահամալիրի կողմից կատարվող հետևողական աշխատանքների արդյունավետության  մասին։

Հանդիպման ավարտին դիմորդներին հանձնվեցին քննաթերթիկներ: