Մայիսի  26-ին կայացել է ՀՀ ՆԳՆ կրթահամալիրի մեթոդական խորհրդի 2026 թվականի 3-րդ նիստը, որը վարում էր խորհրդի նախագահ, ՀՀ ՆԳՆ կրթահամալիրի գիտահետազոտական և նորարարությունների գծով աշխատանքները համակարգող պրոռեկտոր Էմիլ Մարգարյանը։

   Օրակարգում ընդգրկված էին՝

   1․ ՀՀ ՆԳՆ կրթահամալիրի ոստիկանական ուսումնական ստորաբաժանման վարչական իրավունքի և ոստիկանության վարչական գործունեության ամբիոնի պետի պարտականությունները կատարող Աղավնի Կարապետյանի՝ «Հայաստանի Հանրապետության վարչական իրավունք»  թեստային վարժությունների ժողովածուն տպագրության  երաշխավորելու հարցը։

   2․ ՀՀ ՆԳՆ կրթահամալիրի փրկարար ծառայության և ճգնաժամային կառավարման ուսումնական ստորաբաժանման բնագիտական առարկաների ամբիոնի  պետի պարտականությունները կատարող Աննա Ենգիբարյանի՝ «Եռանկյունաչափության հիմունքներ» պրակտիկումը տպագրության  երաշխավորելու հարցը։

   3․ ՀՀ ՆԳՆ կրթահամալիրի ոստիկանական ուսումնական ստորաբաժանման մարտական, ֆիզիկական և հատուկ պատրաստականության ամբիոնի դասախոս Դավիթ Խաչատրյանի՝ «Ոստիկանության ծառայողների կողմից ֆիզիկական ուժի գործադրման տակտիկատեխնիկական հնարքներ» ուսումնադիդակտիկ ձեռնարկը տպագրության  երաշխավորելու հարցը։

   Մեթոդական խորհուրդը բաց քվեարկությամբ որոշեց երեք աշխատանքներն էլ երաշխավորել տպագրության։