Հունվարի 21-ին տեղի ունեցավ ՆԳՆ կրթահամալիրի ղեկավար կազմի հանդիպումը «Քրեական ոստիկան» որակավորմամբ  2025-2026 ուսումնական տարվա ընդունելության մրցույթով անցած և Կրթահամալիրում հունվարի 19-ից վերապատրաստման դասընթացին մասնակցող ոստիկանության ծառայողների հետ։

   Ուսումնառության մեկնարկի կապակցությամբ ռեկտոր Մանուկ Մուրադյանը շնորհավորեց վերապատրաստում անցնող 47 ծառայողներին և մաղթեց արդյունավետ ուսումնառություն։

   Ռեկտորը նաև ընդգծեց, որ պաշտոնների նշանակվելուց հետո ևս նրանք հնարավորություն կունենան շարունակաբար խորացնել իրենց մասնագիտական գիտելիքներն ու օպերատիվ աշխատանքի հմտությունները՝ մասնակցելով Կրթահամալիրում իրականացվող ամենամյա պարտադիր վերապատրաստման ծրագրերին։