Նոյեմբերի 1-ին ՀՀ ոստիկանության կրթահամալիրում տեղի ունեցավ ակադեմիայի «Իրավագիտություն» մասնագիտությամբ մագիստրոսի կրթական ծրագրով հեռակա անվճար ուսուցման 2022-2023 ուսումնական տարվա դիմորդների ընդունելության հարցազրույցը, որին մասնակցում էին  ոստիկանության 20 ծառայող:  

Ներկա էին ՀՀ ոստիկանության կրթահամալիրի պետ, ընդունելության հանձնաժողովի նախագահ, ոստիկանության գնդապետ Մ. Մուրադյանը և հանձնաժողովի մյուս անդամները:

Հարցազրույցի ընթացքում դիմորդ-ծառայողներին տրվեցին ընդհանուր զարգացվածության և մասնագիտական գործունեության վերաբերյալ հարցեր:

Ընդունելության հանձնաժողովի որոշման արդյունքում ՀՀ ոստիկանության կրթահամալիրի ակադեմիայի մագիստրատուրա ընդունվեց  9 ծառայող: