2023թ. փետրվարի 28-ին ՀՀ ոստիկանության կրթահամալիրում էին Երևանի Վաղարշ Վաղարշյանի անվան թիվ 80 հիմնական դպրոցի աշակերտները՝ դպրոցի զինղեկավարի, ուսուցչուհի  Սոֆյա Հովհաննիսյանի և ՀՀ ՆԳՆ ոստիկանության Մալաթիա վարչական շրջանի ոստիկանության վետերանների խորհրդի նախագահ, ոստիկանության պաշտոնաթող գնդապետ Վարդան Եղիազարյանի ուղեկցությամբ:

    ՀՀ ՆԳՆ ոստիկանության պատմության թանգարանի առաջատար մասնագետ, ոստիկանության պաշտոնաթող գնդապետ Դավիթ Հովսեփյանը  սովորողներին ծանոթացրեց Արցախյան հերոսամարտում և ծառայողական պարտականությունների կատարման ժամանակ զոհված՝ ոստիկանության ու ԽՍՀՄ ՆԳՆ աշխատակիցների կենսագրությանը, ապա նրանց ուղեկցեց թանգարան, որտեղ մանրամասն ծանոթացրեց ոստիկանական պատմության տարբեր ժամանակաշրջաններին, թանգարանում առկա  տեխնիկային, հին զենքերին և հագուստներին:         Դպրոցի սաներն այցելեցին նաև հուշակոթող, շրջեցին Կրթահամալիրի տարածքով, իսկ այցի ավարտին տպավորված ու գոհունակությամբ շնորհակալություն հայտնեցին և հրաժեշտ տվեցին ՀՀ ոստիկանության կրթահամալիրին: