Օրերս «Մասնագիտական կրթության որակի ապահովման ազգային կենտրոն» հիմնադրամն առցանց եղանակով կազմակերպել էր քննարկում ՀՀ տարբեր բուհերի ներկայացուցիչների մասնակցությամբ: Հանդիպման նպատակն էր ՄԿԾ-ների բարելավման փորձերի քննարկման արդյունքում երկխոսություն ձևավորել բուհերի միջև՝ հաջողված փորձերը ներկայացնելու, տարածելու և բուհերի փոխհամագործակցությանը նպաստելու համար։

   Առցանց աշխատաժողովին զեկույցներով հանդես եկան ՀՀ ՆԳՆ կրթահամալիրի կրթության որակի ապահովման բաժնի պետ Տիգրան Խաչատրյանը և ԵՊՀ կենսաբանության ֆակուլտետի մարդու և կենդանիների ֆիզիոլոգիայի ամբիոնի վարիչ, կ.գ.թ., դոցենտ Աննա Կարապետյանը:

   Հարցերի մեծ ծավալի և ակտիվության արդյունքում որոշում կայացվեց կազմակերպել շարունակական քննարկումներ, որոնք հնարավորություն կտան առավել մանրամասն անդրադառնալ բոլոր հարցերին և մասնակիցների մտահոգություններին, խթանել գիտելիքների ու փորձի արդյունավետ փոխանակումը։ Այս քննարկումները նպատակ ունեն առաջադրել նոր գաղափարներ, մշակել լուծումներ, ամրապնդել մասնագիտական համագործակցությունն ու տարածել լավագույն փորձը։