2017 թվականի հունիսի 19-ին տեղի ունեցավ ՀՀ ոստիկանության կրթա­համա­լիրի ակադեմիայի իրավագիտության ֆակուլտետի պետության և իրավունքի տեսու­թյան և սահմանադրական իրավունքի ու վարչական իրավունքի և ոս­տի­կա­նու­թյան վարչական գործունեության ամբիոններին կից գործող պետաիրավական ա­ռար­կա­ների գիտական խմբակի 2016-2017 ուստարվա երրորդ նիստը:

Նիստին ներկա էին կրթահամալիրի ակադեմիայի իրավագիտության ֆա­կուլ­տետի պետության և իրա­վունքի տե­սու­թյան և սահմանադրական իրավունքի ամ­բիո­նի պետ, իրավաբանական գիտությունների թեկնածու, ոստիկանության մայոր Ռ. Մա­րանդյանը, նշված ամբիոնի պրոֆեսորադասախոսական կազմը, ինչպես նաև` կրթահամալիրի գիտական աշխատանքների բաժնի գի­տաշ­խա­տող­, ոստիկա­նության ավագ լեյ­տե­նանտ Ա. Ղուկասյանը:

Գիտական խմբակի նիստի թեման էր՝ Հանցագործությունների, վարչական իրա­վա­խախտումների և պատահարների վերաբերյալ դիմումներ և հաղորդումներ ընդունելու, գրանցելու, հաշվառելու և դրանց ընթացք տալու կարգը:

Նշված թե­մայով գիտական զեկույցով հանդես եկավ ՀՀ ոստիկանության կրթա­հա­մալիրի ակադեմիայի իրավագիտության ֆակուլտետի վարչական իրավունքի և ոս­տի­կա­նու­թյան վար­չական գործունեության ամբիոնի ավագ դասախոս, ոստիկանության գնդա­պետ Վ. Գրիգորյանը: Վերջինս ներկայացրեց հանցագործությունների, վարչական իրա­վա­խախտումների և պատահարների վերաբերյալ դիմումներ և հաղորդումներ ընդունելու, գրանցելու, հաշվառելու և դրանց ընթացք տալու կարգի իրավական հիմքերը, փաս­տա­թղթավորումը, ընթացք տալու առանձնահատկությունները և համապատասխան միջո­ցա­ռումների հերթականությունը, ժամկետները, ինչպես նաև` կայացվող հնարավոր որո­շում­ները:

Գիտական նյութի ներկայացումից հետո նիստի մասնակիցների կողմից զե­կու­ցողին ուղղվեցին հարցեր, որոնց տրվեցին սպառիչ պատասխաններ: