2017 թվականի փետրվարի 14-ին տեղի ունեցավ ՀՀ ոստիկանության կրթահամալիրի գիտական խորհրդի 2017 թվականի առաջին նիստը: Նիստում քննարկվեցին ՀՀ ոստիկանության պետի անվանական կրթաթոշակ ստացող սովորողներին 2016-2017 ուստարվա երկրորդ կիսամյակում կրթաթոշակի տրամադրումը վերանայելու, ինչպես նաև կրթահամալիրի ինը նախկին սովորողների կողմից ներկայացված՝ իրենց ուսանողական իրավունքները վերականգնելու մասին դիմումները:

Քննարկման արդյունքում գիտական խորհուրդը որոշեց հաստատել ՀՀ ոստիկանության պետի անվանական կրթաթոշակ ստացող բոլոր տասնվեց սովորողներին 2016-2017 ուստարվա երկրորդ կիսամյակում կրթաթոշակի տրամադրումը և դրական ընթացք տվեց կրթահամալիրի չորս նախկին սովորողների կողմից ներկայացված՝ իրենց ուսանողական իրավունքները վերականգնելու մասին դիմումներին: