Վերադառնալ
29.01.2020
Ուսումնական կենտրոնի սովորողների երդումը
«Ծառայության անցնելով ՀՀ ոստիկանությունում՝ երդվում եմ․
Հավատարիմ լինել ՀՀ սահմանադրական կարգին, անվերապահորեն ղեկավարվել օրենքներով, պաշտպանել հայրենիքս, պահպանել պետական և ծառայողական գաղտնիքը»։
Հենց այս խոսքերով Կրթահամալիրի ուսումնական կենտրոնի նախնական մասնագիտական կրթության «ոստիկան» որակավորման եռամսյա դասընթացն անցնող սովորողները հունվարի 29-ին երդվեցին անմնացորդ ծառայել հայրենիքին և ժողովրդին։
Երդման հանդիսավոր արարողությանը ներկա էին ՀՀ ոստիկանության կրթահամալիրի պետ, ոստիկանության գեներալ-մայոր Մ․ Բաբայանը, Կրթահամալիրի ղեկավար կազմը, ուսումնական կենտրոնի անձնակազմը և սովորողների հարազատները։
Կրթահամալիրի պետը շնորհավորեց սովորողներին՝ մաղթելով մասնագիտական բարձունքներ։
Երդման արարողությունն ավարտվեց հանդիսավոր երթով։