Նոյեմբերի 24-ին ՀՀ ՆԳՆ կրթահամալիրի ոստիկանական ուսումնական ստորաբաժանման ՕՀԳ և քրեագիտության ամբիոնի նախաձեռնությամբ Կրթահամալիրի Շ․ Շահամիրյանի անվան դահլիճում անցկացվել է դուալ ձևաչափով դասախոսություն՝ նվիրված համակարգչային տեղեկատվության անվտանգության ոլորտում հանցագործությունների քննության մեթոդիկային։

   Դասախոսությունը վարել են ՀՀ ՆԳՆ ոստիկանության քրեական ոստիկանության գլխավոր վարչության կիբեռհանցագործությունների դեմ պայքարի վարչության պետ Հայկ Մկրտչյանը, նույն վարչության 3-րդ բաժնի պետ Արսեն Էլոյանը, Կրթահամալիրի ՕՀԳ և քրեագիտության ամբիոնի դասախոս Լուսինե Սարդարյանը։

   Դասախոսությանը մասնակցել են ոստիկանական ուսումնական ստորաբաժանման «Իրավագիտություն» մասնագիտության բակալավրիատի՝ վճարովի և անվճար ուսուցմամբ 4-րդ կուրսի սովորողները։ Ընթացքում ներկայացվել են համակարգչային տեղեկատվության դեմ ուղղված հանցագործությունների քննության արդի մեթոդական մոտեցումները։ Դասախոսությունն ընթացել է հարց ու պատասխանի ձևաչափով, որը նպաստել է բարձր ակտիվության և մասնագիտական քննարկման ձևավորմանը։