Օգոստոսի 30-ը շատ սպասված օր էր ՀՀ ոստիկանության կրթահամալիրի քոլեջի սովորողների համար։ 37 սովորող ստացան այդքան սպասված դիպլոմները։

Դիպլոմների հանձնման հանդիսավոր արարողությանը ներկա էր Կրթահամալիրի ղեկավարությունը՝  Կրթահամալիրի պետ, ոստիկանության գնդապետ Մ․Մուրադյանի գլխավորությամբ:

Կրթահամալիրի պետը շնորհավորեց ոստիկանության շարքերը համալրած ծառայողներին՝ մաղթելով կանաչ ճանապարհ, մասնագիտական նոր ձեռքբերումներ:

 -Դուք այն շրջանավարտներից եք, որ պետք է հասարակությանը ներկայացնեք արժանապատիվ և օրինապահ ոստիկանի կերպարը։ Հուսով եմ` ձեր գիտելիքները կներդնեք օրինականության ամրապնդման գործում և չեք սահմանափակվի ստացած գիտելիքներով, քանի որ  մեր մասնագիտությունը պահանջում է մշտական կատարելագործում:

Կրթահամալիրի անձնակազմը շնորհավորում է նորընծա սպաներին՝ մաղթելով մասնագիտական մեծ հաջողություններ։