Հուլիսի 3-ին ՀՀ ՆԳՆ կրթահամալիրում տեղի ունեցավ  Ոստիկանական ուսումնական ստորաբաժանման «Իրավագիտություն» մասնագիտության  բակալավրիատի առկա վճարովի ուսուցման շրջանավարտների դիպլոմների հանձնման հանդիսավոր արարողությունը։ 

   Ներկա էին ՀՀ ՆԳՆ կրթահամալիրի ղեկավարությունը՝ ռեկտոր Մ․Մուրադյանի գլխավորությամբ, շրջանավարտները և վերջիններիս ծնողները:

   Մ.Մուրադյանը  շնորհավորեց շրջանավարտներին՝ հույս հայտնելով, որ նրանք իրենց գիտելիքները կներդնեն օրինականության ամրապնդման գործում, և հավելեց, որ Կրթահամալիրը ջանքեր կգործադրի լավագույն շրջանավարտների հետագա մասնագիտական կայացման ուղղությամբ:

   Հիսունհինգ շրջանավարտներից տասնութը գերազանցության դիպլոմ ստացան:

   Շրջանավարտների անունից Ջուլիետա Արշակյանը շնորհակալական խոսք հայտնեց Կրթահամալիրի ղեկավարությանը, ողջ պրոֆեսորադասախոսական անձնակազմին, ինչպես նաև շրջանավարտների ծնողներին:

   ՀՀ ՆԳՆ կրթահամալիրն իր շրջանավարտներին մաղթում է բարի երթ և մասնագիտական մեծ վերելքներ: