ՀՀ ՆԳՆ կրթահամալիրում 2025 թվականի հուլիսի 18-ը դրոշմվեց հիշվող ու տոնական օրերի ցանկում: Ոստիկանական ուսումնական ստորաբաժանման «Իրավագիտություն» մասնագիտության  բակալավրիատի առկա վճարովի ուսուցման շրջանավարտներն այսօր ներկայացան կրթահամալիր՝ սպասված դիպլոմներն ստանալու, կյանքի նոր մարտահրավերներն ու նոր ուղին պատվով անցնելու միտումով:

   Հանդիսավոր արարողությանը  ներկա էին ՀՀ ՆԳՆ կրթահամալիրի ղեկավարությունը՝ կրթահամալիրի ռեկտոր Մ․Մուրադյանի գլխավորությամբ, շրջանավարտները և վերջիններիս ծնողները:

   Մ.Մուրադյանը  շնորհավորեց շրջանավարտներին՝ հույս հայտնելով, որ նրանք իրենց գիտելիքները կներդնեն օրինականության ամրապնդման գործում, և հավելեց, որ չսահմանափակվեն ստացած  գիտելիքներով ու համարձակ քայլերով շարժվեն առաջ:

   Քառասուն շրջանավարտներից ինը գերազանցության դիպլոմ ստացան:

   Մելսիդա Ավետիսյանը շրջանավարտների անունից շնորհակալական խոսք հայտնեց կրթահամալիրի ղեկավարությանը և ողջ պրոֆեսորադասախոսական անձնակազմին:

   ՀՀ ՆԳՆ կրթահամալիրն իր շրջանավարտներին մաղթում է բարի երթ և մասնագիտական մեծ վերելքներ: