Վերադառնալ
14.08.2020
Հիշարժան պահ՝ ողջ կյանքի համար
Օգոստոսի 14-ը շատ սպասված օր էր ՀՀ ոստիկանության կրթահամալիրի քոլեջի շրջանավարտների համար։ 34 սովորող ստացան այդքան սպասված դիպլոմները, նրանցից երկուսն էլ արժանացան գերազանցության դիպլոմի։
2019-2020 ուստարվա շրջանավարտների դիպլոմների հանձնման հանդիսավոր արարողությանը ներկա էր Կրթահամալիրի ղեկավարությունը՝ Կրթահամալիրի պետ, ոստիկանության գեներալ-մայոր Մ․Բաբայանի գլխավորությամբ:
Կրթահամալիրի պետը շնորհավորեց ոստիկանության շարքերը համալրած ծառայողներին՝ մաղթելով նրանց բարի ու արժանապատիվ ծառայություն․
-Դուք այն շրջանավարտներից եք, որ երկրում ստեղծված համաճարակային այս բարդ շրջանում ապացուցել եք, որ ունակ եք նվիրումով և անմնացորդ ծառայել հայրենիքին։
Կրթահամալիրի ողջ անձնակազմը շնորհավորում է նորընծա սպաներին՝ մաղթելով մասնագիտական մեծ հաջողություններ։