Վերադառնալ
19.07.2022

Կրթահամալիրի ներկայացուցիչը մասնակցեց ԵՄ իրավապահ մարմինների վերապատրաստման գործակալության կազմակերպած դասընթացին

Կրթահամալիրի ներկայացուցիչը մասնակցեց ԵՄ իրավապահ մարմինների վերապատրաստման գործակալության կազմակերպած դասընթացին

    ԵՄ իրավապահ մարմինների վերապատրաստման գործակալության (ՍԻՊՈԼ) Կազմակերպված հանցավորության դեմ պայքարում ուսումնական և օպերատիվ փոխգործակցություն (ԹՈՓՔՈՓ) ծրագրի շրջանակներում սույն թվականի հուլիսի 11-ից 15-ը Բուդապեշտում անցկացվեց էլեկտրոնային ուսուցման թեմայով   վերապատրաստման դասընթաց` Արևելյան գործընկերության երկրների համար։ ՀՀ ոստիկանության կրթահամալիրից մասնակցում էր ուսումնամեթոդական և զարգացման վարչության միջազգային համագործակցության և տեղեկատվական տեխնոլոգիաների ներդրման բաժնի պետի տեղակալ, ոստիկանության փոխգնդապետ Կարինե Սաֆարյանը։

Դասընթացի նպատակն էր մասնակիցներին ծանոթացնել խառը ուսուցման ձևերին, էլեկտրոնային ուսուցման հիմնական տեխնիկային, ինչպես նաև կրթական բովանդակություն ստեղծելու և վեբինարներ վարելու գործիքակազմի կիրառմանը։

Ոլորտում բազմամյա փորձ ունեցող մասնագետներն այն անցկացրին ինտերակտիվ մեթոդների, մեծահասակների ուսուցման սկզբունքների կիրառմամբ։ Ձեռք բերված գիտելիքներն ամրապնդելու նպատակով բազմաթիվ գործնական առաջադրանքներ, վարժություններ և թիմային քննարկումներ եղան։

Միջոցառման ավարտին մասնակիցներին շնորհվեցին հավաստագրեր։