Օգոստոսի 19-ին տեղի ունեցավ ՀՀ ոստիկանության կրթահամալիրի ակադեմիայի իրավագիտության ֆակուլտետի բակալավրիատի առկա անվճար ուսուցման 2021/2022 ուսումնական տարվա  ընդունելության  ֆիզիկական պատրաստականության քննությունը:

Եվ այսպես․ վերջնարդյունքում 47 դիմորդից մրցութային կարգով միայն 24-ին հաջողվեց համալրել ոստիկանական մեծ ընտանիքը՝ դառնալով   ՀՀ ոստիկանության կրթահամալիրի ակադեմիայի սովորող։

Կրթահամալիրի ողջ անձնակազմը շնորհավորում է ընդունվածներին՝ մաղթելով տոկունություն, խիզախություն և նպատակասլացություն:

Հ Ա Յ Տ Ա Ր Ա Ր ՈՒ Թ Յ ՈՒ Ն 

     ՀՀ ոստիկանության  պետի 18.05.2012թ.   թիվ 8-Ն հրամանով  հաստատաված կարգի համաձայն`  ՀՀ ոստիկանության կրթահամալիրի ակադեմիայի առկա անվճար ուսուցման  ընդունելության մրցույթով չանցած դիմորդն  իր  ցանկությամբ կարող  է  ստուգումների  արդյունքներով /միավորներով/   դիմել քոլեջի ընդունելության  մրցույթին  մասնակցելու համար:

Ցանկացողները  կարող  են  դիմում ներկայացնել ընդունող  հանձնաժողովին 2021թ. օգոստոսի 20-ից 25-ը  մինչև ժամը`  13:00:

ՀՀ ոստիկանության կրթահամալիրի ակադեմիա  ընդունված  դիմորդներն  անձնագրերով  ներկայանան ՀՀ ոստիկանության կրթահամալիր 2021 թվականի օգոստոսի 30-ին ժամը` 09.00-ին: