Սույն թվականի հոկտեմբերի 11-ին ՀՀ ոստիկանության կրթահամալիրում տեղի ունեցավ առաջին կուրսի սովորողների ադապտացիային ուղղված հերթական միջոցառումը:

Այս անգամ ակադեմիայի և քոլեջի առաջին կուրսերի սովորողների համար խորհրդատվական սեմինար վարեց Կրթահամալիրի պետի առաջին տեղակալ, ոստիկանության փոխգնդապետ Մ․Մարկոսյանը: Սեմինարը կրում էր «Ինչպե՞ս ստանալ կրթություն, ոչ թե միայն դիպլոմ. ճիշտ սովորելու 10 խորհուրդ» խորագիրը:

Մ.Մարկոսյանը սովորողներին նախ պարզաբանեց սովորողի կողմից ուսումնական նյութի յուրացման առանձնահատկությունները, ներկայացրեց ակտիվ ընթերցանության ռազմավարությունները, իսկ այնուհետև տվեց ինքնուրույն աշխատանքի կատարման, ուսումնական պարապմունքներին արդյունավետ մասնակցության, քննաշրջանին պատրաստվելու վերաբերյալ խորհուրդներ: