Կեմերովո քաղաքի «Զիմնյայա վիշնյա» առևտրի կենտրոնում տեղի ունեցած սահմռկեցուցիչ ողբերգության հետ կապված սույն թվականի մարտի 28-ը ՌԴ-ում հայտարարվել է սգո օր: Ի հիշատակ մարդկային ողբերգության՝ ՀՀ ոստիկանության կրթահամալիրի պետ, ոստիկանության գեներալ-լեյտենանտ Հովհաննես Վարյանը՝ ՀՀ ոստիկանության պետ, ոստիկանության գեներալ-գնդապետ Վլադիմիր Գասպարյանի անունից, կրթահամալիրի ղեկավար անձնակազմի և սովորողների հետ միասին ծաղիկներ և խաղալիքներ խոնարհեց ՀՀ-ում ՌԴ դեսպանատան շենքի մոտ: Այնուհետև կրթահամալիրի պետ, ոստիկանության գեներալ-լեյտենանտ Հովհաննես Վարյանը ՀՀ ոստիկանության անունից, ի զորակցություն զոհվածների հարազատների, կատարեց հանգանակություն:  

 Դեսպանատան առջև դրված ծաղիկների հետ մեկտեղ կրթահամալիրի սովորողները թողեցին «Կեմերովո, մենք քեզ հետ ենք» գրվածքով պաստառ: