Նորություններ
ՎերադառնալԼույս տեսավ «Պատիվ ունեմ» պաշտոնաթերթը
ՀՀ ոստիկանության օրվա նախօրեին լույս տեսավ ՀՀ ոստիկանության կրթահամալիրի «Պատիվ ունեմ» պաշտոնաթերթի անդրանիկ համարը:
«Պատիվ ունեմ» պաշտոնաթերթը ՀՀ ոստիկանության կրթահամալիրի պետ, ոստիկանության գեներալ-լեյտենանտ Հովհաննես Վարյանի հերթական նախաձեռնությունն էր, որը կյանքի կոչվեց շնորհիվ վերջինիս աննկուն կամքի և աշխատասիրության և թերթի պատասխանատուների ջանքերի շնորհիվ:
Պաշտոնաթերթը հանդիսանալու է լայն հնարավորություններ ընձեռնող գիտական, կազմակերպչական, լրատվական տարածք և կոչված է ոչ միայն լուսաբանելու կրթահամալիրի գործունեության կարևոր իրադարձությունները, այլև խթանելու նոր նախաձեռնությունների ու գաղափարների իրագործումը: Այն խոսքի հարթակ է հանդիսանալու ինչպես անձնակազմի, այնպես էլ սովորողների համար:
Պաշտոնաթերթի անդրանիկ համարում ողջույնի խոսքով հանդես է եկել ՀՀ ոստիկանության պետ, ոստիկանության գեներալ-գնդապետ Վլադիմիր Գասպարյանը, ով շնորհավորելով այս հրաշալի ձեռնարկումը կյանքի կոչելու առթիվ` մաղթել է ձեռքբերոմներ նաև այս ասպարեզում:
