«Օրենքի պատվար» գիտամեթոդական ամսագիր

Հարգելի՛ դիմորդներ

ՀՀ ոստիկանության կրթահամալիրի քոլեջի և ակադեմիայի առկա ուսուցմամբ բակալավրիատի 2020/2021 ուսումնական տարվա ընդունելության վերաբերյալ տեղեկացնում ենք, որ դիմումները կընդունվեն հունիս և հուլիս ամիսներին, իսկ քննությունները /ստուգումները/ կանցկացվեն օգոստոս ամսին:

Քոլեջի դիմորդները կրթահամալիրում անցնելու են ֆիզիկական պատրաստականության ստուգում /ոչ մրցութային/ և մրցութային հիմունքներով հայոց լեզվի իմացության ստուգում /թեստավորում համակարգչի միջոցով/:

Ակադեմիայի առկա անվճար ուսուցմամբ բակալավրիատի դիմորդները կրթահամալիրում անցնելու են 2 մրցութային ստուգում` մասնագիտական պիտանելիության համապատասխանության համալիր ստուգում /թեստավորում համակարգչի միջոցով/ և ֆիզիկական պատրաստականության ստուգում, իսկ ակադեմիայի առկա վճարովի ուսուցմամբ բակալավրիատի դիմորդները հանձնելու են քննություն հայոց պատմությունից /թեստ/ կամ կարող են ներկայացնել «Հայոց պատմություն» առարկայի միասնական քննությունը հանձնելու վերաբերյալ ԳԹԿ-ի կողմից տրված վկայագիրը և մասնակցել ընդունելության մրցույթին:

Ընդունելության կարգի, պայմանների և ժամկետների մասին մանրամասն տեղեկատվությունը կհրապարակվի կրթահամալիրի www.edupolice.am և ոստիկանության www.police.am կայքերում, ինչպես նաև կրթահամալիրի ֆեյսբուքյան էջում: Տեղեկությունների համար զանգահարել 010-77-80-33 հեռախոսահամարով:

Հարգանքով՝ ՀՀ ոստիկանության կրթահամալիր