Նորություններ
ՎերադառնալՌուսական գիտության և մշակույթի կենտրոնի պատվիրակության այցը գիրք նվիրելու օրվա կապակցությամբ
Հայաստանում փետրվարի 19-ին նշվում է գիրք նվիրելու համազգային օրը: Այս տարի այդ նշանակալից օրը ՀՀ ոստիկանության կրթահամալիրի հյուրերն էին Երևանում ռուսական գիտության և մշակույթի կենտրոնի փոխտնօրեն Ա. Ի. Բեչենովը և ռուսաց լեզվի բաժնի առաջատար մասնագետ Վ. Զ. Գրիգորյանը, որոնք ուսումնական հաստատությանը նվիրեցին ռուսերենով հրատարակված ուսումնամեթոդական գրականություն։
ՀՀ ոստիկանության կրթահամալիրի պետ, ոստիկանության գեներալ-մայոր Մ. Բաբայանն իր ողջույնի խոսքում նշեց, որ մենք այս օրը նշում ենք մեծանուն հայ գրող և բանաստեղծ Հովհաննես Թումանյանի հոբելյանը:
Հանդիպման ընթացքում քննարկվեցին հետագա համագործակցության հեռանկարների, ռուսաց լեզու առարկայի լրացուցիչ պարապմունքների անցկացման վերաբերյալ հարցեր:
ՀՀ ոստիկանության կրթահամալիրի պետի առաջին տեղակալ, ոստիկանության գնդապետ Տ. Մ. Եսայանը նշեց, որ արդիական հարցերից է նաև մեր ուսումնական հաստատությանը տրամադրվող անհրաժեշտ մասնագիտական իրավաբանական գրականությունը:
Գեներալ-մայոր Մ. Բաբայանը հյուրերին նվիրեց իր հեղինակած գրքերը, ինչպես նաև ՀՀ ոստիկանության կրթահամալիրի դասախոսների դասագրքերը:
