2016 թվականի սեպտեմբերի 20-ին տեղի ունեցավ ՀՀ ոստիկանության կրթահամալիրի ակադեմիայի իրավագիտության ֆակուլտետի բակալավրիատի առկա անվճար ուսուցման և քոլեջի ոստիկանական միջին մասնագիտական կրթության ֆակուլտետի 2016-2017 ուսումնական տարվա 1-ին կուրսի սովորողների երդման հանդիսավոր արարողությունը:

Ներկա էին կրթահամալիրի ղեկավարությունը, պրոֆեսորադասախոսական և տեսչական կազմը, սովորողների ծնողները և հարազատները:

ՀՀ ոստիկանության կրթահամալիրի պետ, ոստիկանության գեներալ-լեյտենանտ Հովհ. Վարյանը շնորհավորեց սովորողներին երդման ընդունման կապակցությամբ և ընդգծեց, որ ոստիկանը պետք է հավատարիմ մնա իր երդմանը:

Երդման արարողությունն ավարտվեց հանդիսավոր շքերթով: