Նորություններ

Վերադառնալ
13.04.2018

«Արդի ժամանակաշրջանում օրենսդրության կատարելագործման հիմնախնդիրները» խորագրով ուսանողների գիտական զեկույցների միջբուհական մրցույթ կրթահամալիրում

«Արդի ժամանակաշրջանում օրենսդրության կատարելագործման հիմնախնդիրները» խորագրով ուսանողների գիտական զեկույցների միջբուհական մրցույթ կրթահամալիրում

2018 թվականի ապրիլի 13-ին ՀՀ ոստիկանության կրթահամալիրում անցկացվեց «Արդի ժամանակաշրջանում օրենսդրության կատարելագործման հիմնախնդիրները» խորագրով ուսանողների գիտական զեկույցների միջբուհական մրցույթի բանավոր փուլը:

Մրցույթի գրավոր փուլին մասնակցել էին Հայաստանի Հանրապետության բարձրագույն ուսումնական հաստատությունների իրավաբանական ֆակուլտետների ուսանողներ՝ ներկայացնելով քրեական, քրեադատավարական օրենսդրության, սահմանադրական, վարչական և մասնավոր իրավունքի ոլորտների օրենսդրության կատարելագործման հիմնախնդիրները: Գրավոր փուլին մասնակցած ուսանողներից միայն հինգն էին անցել բանավոր փուլ՝ հաղթահարելով մրցույթի կանոնակարգով նախատեսված նվազագույն շեմը:

Բանավոր փուլում մրցույթի մասնակիցները հանդես եկան գիտական զեկուցումներով, որոնք գնահատվեցին մրցութային հանձնաժողովի կողմից: Հանձնաժողովը կազմված էր ՀՀ ոստիկանության, ՀՀ փաստաբանական դպրոցի, ՀՀ վերաքննիչ քաղաքացիական դատարանի աշխատակազմի ներկայացուցիչներից:

Առաջին տեղը զբաղեցրեց Երևանի պետական համալսարանի իրավագիտության ֆակուլտետի  4-րդ կուրս ուսանող Լիդա Միքայելյանը, երկրորդ տեղը զբաղեցրեց ՀՀ ոստիկանության կրթահամալիրի ակադեմիայի իրավագիտության ֆակուլտետի 4-րդ կուրսի սովորող Գայանե Շահմուրադյանը, իսկ երրորդ տեղը՝ Երևանի պետական համալսարանի իրավագիտության ֆակուլտետի 4-րդ կուրսի ուսանող Տիգրան Դավթյանը:

Առաջին երեք մրցանակային տեղերը զբաղեցրած ուսանողները պարգևատրվեցին մրցանակներով և պատվոգրերով, իսկ մյուս մասնակիցներին հանձնվեցին շնորհակալագրեր: