2018 թվականի հունիսի 14-ին տեղի ունեցավ ՀՀ ոստիկանության կրթա­համա­լիրի ա­կադեմիայի իրավագիտության ֆակուլտետի պետության և իրավունքի տեսու­թյան և սահ­մանադրական իրավունքի ու վարչական իրավունքի և ոս­տի­կա­նու­թյան վարչական գոր­ծունեության ամբիոններին կից գործող պետաիրավական ա­ռար­կա­ների գիտական խմբակի 2017-2018 ուստարվա հինգերորդ նիստը:

Նիստին ներկա էին կրթահամալիրի ակադեմիայի իրավագիտության ֆա­կուլ­տետի պետության և իրա­վունքի տե­սու­թյան և սահմանադրական իրավունքի ամ­բիո­նի պետ, ի­րավաբանական գիտությունների թեկնածու, ոստիկանության մայոր Ռ. Մարանդյանը, նշված ամբիոնի դոցենտ, ոստիկանության փոխգնդապետ Ա. Սաֆարյանը, ուսումնական ասիստենտ, ոստիկանության կապիտան Ա. Մարգարյանը, քաղաքացիական իրավունքի և քաղաքացիական դատավարության ամբիոնի ավագ դասախոս, ոստիկանության փոխ­գնդապետ Մ. Մա­նուկյանը, կրթահամալիրի գիտական աշխատանքների բաժնի գիտաշ­խատող, ոս­տի­կա­նության լեյտենանտ Մ. Խերան­յանը:

Գիտական խմբակի նիստի թեման էր՝ ՀՀ վարչապետի սահմանադրաիրավական կարգավիճակը սահմանադրական բարեփոխումների լույսի ներքո:

Նշված թե­մայով գիտական զեկույցով հանդես եկավ Ռ. Մարանդյանը: Նա լու­սա­բա­նեց ՀՀ վարչապետի սահմանադրական կարգավիճակի առանձնահատկութ­յուն­ները, նրա դերը կառավարության կազմավորման և գործունեության ապահովման համա­տեքս­տում: Բանախոսի կողմից անդրադարձ կատարվեց նաև «Պետական կառավարման հա­մակարգի մարմինների մասին» և «Կառավարության կառուցվածքի և գործունեության մասին» ՀՀ 2018 թ. մարտի 23-ի օրենքներով նախատեսված՝ ՀՀ վարչապետի կար­գա­վի­ճակին առնչվող մի շարք այլ հիմնահարցերի:

Գիտական նյութի ներկայացումից հետո նիստի մասնակիցների կողմից զե­կու­ցողին ուղղվեցին հարցեր, որոնց տրվեցին սպառիչ պատասխաններ: