Մայրաքաղաքի Շևչենկոյի անվան թիվ 46 ավագ դպրոցի տասնմեկերորդ դասարանցիները 2017թ. նոյեմբերի 29-ին հյուրընկալվեցին ՀՀ ոստիկանության կրթահամալիրում դպրոցի տնօրեն Է.Թումանյանի, պատմության ուսուցիչ Ա.Սարդարյանի, դպրոցի այլ ուսուցիչների և ՀՀ ոստիկանության Կենտրոնականի վետերանների խորհրդի նախագահ, ոստիկանության պաշտոնաթող գնդապետ Գ.Վարդանյանի ու մի շարք այլ վետերանների  ուղեկցությամբ:

Հյուրերին  ընդունեց ՀՀ ոստիկանության կրթահամալիրի պետի պաշտոնակատար, կրթահամալիրի պետի առաջին տեղակալ, ոստիկանության գնդապետ Տ.Եսայանը:

Պատմության ուսուցիչ Ա.Սարդարյանի և դպրոցի աշակերտների մասնակցությամբ անցկացվեց բաց դաս նվիրված Հայաստանի Առաջին Հանրապետության ներքին գործերի նախարարության գործունեությանը: Դասին մասնակցում էին նաև ՀՀ ոստիկանության կրթահամալիրի դասախոս, ոստիկանության գնդապետ  Ռ.Սարգսյանը և  քոլեջի 1-ին կուրսի սովորողները:Հարց ու պատասխանների միջոցով աշակերտները և քոլեջի  սովորողները մանրամասն լուսաբանեցին նշված ժամանակշրջանը` ցուցաբերելով բարձր գիտելիքներ:

Այնուհետև աշակերտները եղան կրթահամալիրի ՀՀ ոստիկանության պատմության թանգարանում, որտեղ թանգարանի առաջատար մասնագետ, ոստիկանության պաշտոնաթող գնդապետ Դ.Հովսեփյանը դպրոցականներին ներկայացրեց ոստիկանության անցած մարտական և աշխատանքային ճանապարհը, նաև երախտավորներին, որոնք մեծ ավանդ են ունեցել ոստիկանության պատմության մեջ:

 Դպրոցականները ծաղիկներ խոնարեցին ծառայողական պարտականությունները կատարելիս և Արցախյան ազատամարտում զոհված ոստիկանության ծառայողների հուշակոթողին:

 Հյուրերը ոստիկանության կրթահամալիրից հեռացան լավագույն տպավորություններով: