2017 թվականի մայիսի 22-ին տեղի ունեցավ ՀՀ ոստիկանության կրթա­համա­լիրի ակադեմիայի իրավագիտության ֆակուլտետի պետության և իրավունքի տեսու­թյան և սահմանադրական իրավունքի ու վարչական իրավունքի և ոս­տի­կա­նու­թյան վարչական գործունեության ամբիոններին կից գործող պետաիրավական ա­ռար­կա­ների գիտական խմբակի 2016-2017 ուստարվա երկրորդ նիստը:

Նիստին ներկա էին կրթահամալիրի ակադեմիայի իրավագիտության ֆա­կուլ­տետի պետ, իրավաբանական գիտությունների թեկնածու, դոցենտ, ոստիկանության փոխ­գնդա­պետ Մ. Մուրադյանը, իրավագիտության ֆա­կուլ­տետի պետության և իրա­վունքի տե­սու­թյան և սահմանադրական իրավունքի ամ­բիո­նի պետ, ոստիկանության մայոր Ռ. Մա­րանդյանը, նշված ամբիոնի պրոֆեսորադասախոսական կազմը, կրթա­համա­լիրի ա­կա­դե­միայի իրավագիտության ֆակուլտետի վարչական իրավունքի և ոս­տի­կա­նու­թյան վար­չական գործունեության ամբիոնի ավագ դասախոս, ոստիկանության գնդա­պետ Վ. Ա­վա­գիմյանը, կրթահամալիրի գիտական աշխատանքների բաժնի գի­տաշ­խա­տող­, ոստիկա­նության ավագ լեյ­տե­նանտ Ա. Ղուկասյանը:

Գիտական խմբակի նիստի թեման էր՝ «Մասնավոր և հանրային ոլորտների ի­րա­վա­բանական անձանց կարգավիճակի սահմանադրաիրավական բո­վանդա­կու­թյունը»:

Նշված թե­մայով գիտական զեկույցով հանդես եկավ ՀՀ ոստիկանության կրթա­հա­մալիրի ակադեմիայի իրավագիտության ֆակուլտետի պետ, իրավա­բա­նա­կան գիտու­թյունների թեկնածու, դոցենտ, ոստիկանության փոխգնդապետ Մ. Մու­րադյանը: Վերջինս ներկայացրեց հիմնական սուբյեկտիվ իրավունքների կառուցվածքը, դրանց գործառութա­յին ուղղվածությունը և տարբերություններն այլ սուբյեկտիվ իրավունքներից: Բանախոսի կողմից անդրադարձ կատարվեց նաև մասնավոր և հանրային ոլորտների իրավաբա­նական անձանց իրավունակության և գործունակության հիմնախնդիրներին, որպես հիմ­նական իրավունքների կրողների` դրանց կարգավիճակի առանձնահատկություններին և նշված իրավունքների իրացմանը:

Գիտական նյութի ներկայացումից հետո նիստի մասնակիցների կողմից զե­կու­ցողին ուղղվեցին հարցեր, որոնց տրվեցին սպառիչ պատասխաններ: