2017 թվականի հոկտեմբերի 13-ին ՀՀ ոստիկանության Երևան քաղաքի վարչության Մալաթիայի բաժնի անչափահասների գործերով բաժանմունքի նախաձեռնությամբ  ՀՀ ոստիկանության կրթահամալիր էին այցելել Երևանի թիվ 105 ավագ  դպրոցի սաները: Այցելության նպատակը կրթահամալիրի առօրյային ծանոթալն էր: Այցելությունը սկսվեց Արցախյան պատերազմի և ծառայողական պարտականությունները կատարելիս զոհված ոստիկանության ծառայողների  հուշակոթողին ծաղիկներ դնելով:   Այնուհետև դպրոցականների համար կազմակերպվեց շրջայց կրթահամալիրի տարածքով: Հյուրերը այցելեցին  ոստիկանության կրթահամալիրում գտնվող ոստիկանության պատմության թանգարան և ծանոթացան Հայաստանի ոստիկանության պատմությանը: Դպրոցականները եղան նաև կրթահամալիրի մարզադահլիճում և հրաձգարանում:

Նախաձեռնությունն ավարտվեց   Մալաթիայի բաժնի անչափահասների գործերով բաժանմունքի ոստիկաների և 105 ավագ դպրոցի սաների  թիմերի միջև ֆուտբոլային խաղով: