2014թ. դեկտեմբերի 11-ին ՀՀ ոստիկանության կրթահամալիրում  Հայաստանում «Ռոսսոտրուդնիչեստվո» ներկայացուցչության հետ համատեղ մեկնարկեցին «Պրոֆեսիոնալ» ռուսաց լեզվի դասընթացներ: Սովորողների խումբը վեց ամսվա ընթացքում պետք է խորությամբ ուսումնասիրի մասնագիտական ուղղվածությամբ ռուսաց լեզուն: Դասընթացների ավարտման և թեսթավորման արդյունքում սովորողներին կտրվեն հավաստագրեր, որոնք կհաստատեն ռուսերեն լեզվի բարձր մակարդակի տիրապետման մասին:

Բացմանը ողջույնի խոսքով հանդես եկան ՀՀ ոստիկանության կրթահամալիրի պետ, ոստիկանության գեներալ-լեյտենանտ Հովհ. Վարյանը և Հայաստանում «Ռոսսոտրուդնիչեստվո» ներկայացուցչության ղեկավար Մ. Կալինինը: Նրանք վստահություն հայտնեցին հետագա համագործակցության հաջողության վերաբերյալ և ունկնդիրներին մաղթեցին դասընթացների հաջող անցկացում:

ՀՀ ոստիկանության կրթահամալիր