2014 թվականի հունիսի 25-ին ՀՀ ոստիկանության կրթահամալիրի պետ, ոստիկանության գեներալ-լեյտենանտ Հովհաննես Վարյանի հրավերով ՀՀ ոստիկանության կրթահամալիր այցելեց ՀՀ սահմանադրական դատարանի նախագահ, պրոֆեսոր Գագիկ Հարությունյանը: Հրավերքի գլխավոր նպատակը սահմա­նադրական բարեփոխումների ներկա փուլում հայեցակարգի հիմնադրույթների վերաբերյալ մասնագիտական պարզաբանումներ լսելն էր: Միջոցառմանը ներկա էր նաև ՀՀ ոստիկանության պետի տեղակալ, ոստիկանության գեներալ-մայոր Արթուր Օսիկյանը: Արթուր Օսիկյանը նշեց, որ պրոֆեսոր Հարությունյանը Հայաս­տանի Հանրապետության Նախագահին առընթեր սահմանադրական բարեփոխումների մասնագիտական հանձ­նաժողովի նախագահն է, և մեծ պատիվ է պարոն Հարությունյանի մեկնաբանությամբ լսել հայեցակարգային առաջնահերթությունները: Գ. Հարությունյանը շեշտեց, որ քննարկման առարկա է ոչ թե ավարտված փաստա­թուղթը, այլ հայեցակարգի նախագիծը: Ներկայացվեց սահմանադրական բարե­փոխումների հայեցակարգում տեղ գտած սահմանադրական զարգացումների հիմնական ուղղությունները՝ շեշտադրում կատարելով իրավունքի գերակայության սկզբունքի իրացումն ապահովելու, մարդու հիմնական իրավունքների և ազատությունների ե­րաշխավորման սահ­մանադրական կառուցակարգերի կատա­րելագործման, իշխանու­թյուն­ների լիարժեք հավասարակշռումն ապահովելու և հանրային կառա­վարման արդյունավետությունը բարձրացնելու, կառավարման ձևի, ընտրական իրավունքի և ընտրական համա­կարգի, ինչպես նաև հայեցակարգային այլ հիմնադրույթների վրա:

Միջոցառման երկրորդ հատվածում կրթահամալիրի պրոֆեսորադասախոսական կազմի և  սովորողների կողմից հնչեցվեցին սահմանադրական բարեփոխումների հայեցակարգից բխող հարցեր:                  

Միջոցառման ավարտին ՀՀ ոստիկանթության պետի տեղակալ, ոստիկանության գեներալ-մայոր Արթուր Օսիկյանը ՀՀ ոստիկանության և կրթահամալիրի անունից շնորհակալություն հայտնեց Գագիկ Հարությունյանին հրավերքն ընդունելու և բովանդակալից ու հետաքրքիր ելույթի համար: 

ՀՀ ոստիկանության կրթահամալիր