Սույն թվականի մարտի 4-ին տեղի ունեցավ ՀՀ ոստիկանության կրթահամալիրի խորհրդի թվով 2-րդ նիստը: Նիստը վարում էր կրթահամալիրի պետ, կրթահամալիրի խորհրդի նախագահ, ոստիկանության գեներալ-լեյտենանտ Հովհ. Վարյանը: Օրակարգում դրված էր ՀՀ ոստիկանության ակադեմիայի առկա վճարովի ուսուցման սովորողների 2015-2016 ուստարվա 2-րդ կիսամյակի ուսման վարձավճարների մասնակի փոխհատուցման հարցը: Զեկույցով հանդես եկավ կրթահամալիրի ակադեմիայի իրավագիտության ֆակուլտետի պետ, իրավաբանական գիտությունների թեկնածու, դոցենտ, ոստիկանության փոխգնդապետ Մ.Հ.Մուրադյանը: Ընթացիկ հարցերի վերաբերյալ առաջարկություններ չեղան: