2016թ. մարտի 13-ից 15-ը ՀՀ ոստիկանության կրթահամալիրում ավանդույթ դարձած հերթական ծառատունկն էր: Ծառատունկը նախաձեռնել էր ՀՀ ոստիկանության կրթահամալիրի պետ, ոստիկանության գեներալ-լեյտենանտ Հովհաննես Վարյանը՝ կրթահամալիրի ողջ անձնակազմի մասնակցությամբ: Ծառատունկի աշխատանքները համակարգում էր կրթահամալիրի ծառայության բաժինը: Մասնակիցները մեծ ոգևորությամբ ձեռնամուխ եղան նշված աշխատանքներին՝ կրթահամալիրի տարածքում տնկելով տարբեր տեսակի դեկորատիվ ծառեր և թփեր՝ դրանով իսկ իրենց փոքրիկ ներդրումն ունենալով բնապահպանության գործում: