Արևելյան գործընկերության ոստիկանական համագործակցության ծրագրի շրջանակներում սույն թվականի հոկտեմբերի 26-ից 28-ը Լեհաստանի ՆԳՆ փորձագետներ Եժի Կոշինսկին և Մարթա Կրակովիան ՀՀ ոստիկանության կրթահամալիրում ՀՀ ոստիկանության համապատասխան ստորաբաժանումների ծառայողների համար անցկացրեցին   Պայքար կեղծ ապրանքատեսակների ապօրինի շրջանառության դեմ   թեմայով դասընթաց:

Այնուհետև փորձագետները հանդիպում ունեցան Կրթահամալիրի ղեկավարության և պրոֆեսորադասախոսական անձնակազմի հետ: Հանդիպման ընթացքում ներկայացվեցին Պայքար ինտերնետում հեղինակային իրավունքով պաշտպանված օբյեկտների ապօրինի օգտագործման դեմ  և Եվրոպայում մտավոր սեփականության հանցավորության վիճակը  թեմաները:

Հանդիպումն անցավ ջերմ մթնոլորտում, փորձագետներին ուղղվեցին մի շարք հարցեր, որոնց տրվեցին սպառիչ պատասխաններ: